İmtahan fənləri və onları nəticələrinin işlənməsi

Qəbul imtahanları, Tələbə Qəbulu üzrə Dövlət Komisiyyası tərəfindən mərkəzləşdirilmiş şəkildə keçirilir. İxtisaslar dörd ixtisas qrupuna bölünür. Qruplar üzrə test imtahanı fənləri aşağdakılardı:

Qəbul planına daxil olan ixtisaslardan asılı olaraq imtahan fənlərinin çəki əmsalları müxtəlifdir. Buna görə həmin ixtisas qrupları iki altqruppa bölünür. Abituriyentin hər hansı bir ixtisas üzrə imtahan balı hesablandıqda fənlərin əhəmiyyət dərəcəsindən asılı olaraq iki çəki əmsalından

("2" və  "1") istifadə edilir. Aşağıdakı cədvəldə altqruplar üzrə imtahan fənlərinin çəki əmsalları göstərilir.

 Balların hesablanması abituriyentin yalnız "Cavab kartı"nda qeyd etdiyi cavablar əsasında aparılır. Hər bir fənn üzrə nisbi bal aşağıdakı qaydada hesablanır:

NB=4D-Y

NB - fənn üzrə nisbi bal
D - doğru cavabların sayı
Y - yanlış cavabların sayı
Hesablanma 0,001- ə qədər dəqiqliklə aparılır. Hesablanmanın nəticəsi mənfi alınarsa, nisbi bal "0,000" kimi qəbul edilir.

İmtahan fənləri və onları nəticələrinin işlənməsi

Müsabiqə şərtləri
Seçilən ixtisasların hər biri üzrə müsabiqədə iştirak etmək üçün abituriyentin topladığı ümumi balla yanaşı, imtahan verdiyi hər bir fənn üzrə ayrılıqda topladığı nisbi ballar da qəbul olunmuş tələblərə uyğun olmalıdır:

1. Qəbul imtahanlarında 250- dən az (I ixtisas qrupunda 200-dən az) bal toplayan abituriyentlər müsabiqəyə buraxılmırdılar. Eyni zamanda abituriyentin hər bir imtahan fənni üzrə ayrılıqda topladığı nisbi bal 10- dan aşağı olmamalı idi.
II və IV ixtisas qrupunda ümumi balı 350 və daha çox, I və III ixtisas qrupunda 300 və daha çox olan abituriyentlərin müsabiqəyə buraxılması üçün fənlər üzrə cavablara nisbi bal məhdudiyyəti tətbiq olunmurdu.

Dövlət sifarişi əsasında ayrılmış yerlərin ixtisas seçimində: I ixtisas qrupu üzrə - ümumi balı 300-dən az olmayan abituriyentlər,II ixtisas qrupu üzrə - ümumi balı 400-dən az olmayan abituriyentlər,III və IV ixtisas qrupu üzrə - ümumi balı 350-dən az olmayan abituriyentlər iştirak edə bilərdilər.

Ümumi balı eyni olan iki və daha çox abituriyenti qəbul planı çərçivəsində yerləşdirmək mümkün olmadıqda, onları bir-birindən fərqləndirmək üçün aşağıdakı ardıcıllıqla əlavə informasiyadan istifadə edilir.

A) buraxılış imtahanında daxil olan fənlər üzrə orta attestat balı;

B) əsas fənlər üzrə nisbi fənnlərin cəmi;

C) əsas fənlər üzrə düzgün cavabların sayının cəmi;

D) fənlərin üstünlük dərəcəsini nəzərə almaqla həmin fənlərdən ayrılıqda toplanılan nisbi balların miqdarı;

E) bütün fənlər üzrə bütövlükdə düzgün cavabların sayı;

F) fənlərin üstünlük dərəcəsini nəzərə almaqla ayrılıqda həmin fənlər üzrə düzgün cavabların sayı.


Xüsusi qabiliyyət imtahanı tələb edən ixtisaslar
Ali məktəblərə qəbulu aparılan ixtisasların sırasına abituriyentlərdən xüsusi yaradıcılıq keyfiyyətləri, fiziki və idman hazırlığı tələb edən ixtisaslar da daxildir.

Bu ixtisaslar üzrə qəbul imtahanları iki mərhələdə keçirilir. Birinci mərhələdə abituriyentlər ümumi test imtahanlarında iştirak edirlər. İkinci mərhələdə seçdiyi ixtisasın tələbinə uyğun xüsusi qabiliyyətlər yoxlanılır.
Xüsusi qabiliyyət imtahanı tələb edən ixtisaslar aşağıdaki istiqamətləri əhatə edir:

• təsviri incəsənət
• musiqi sənəti
• memarlıq və bədii layihələndirmə
• teatr, kino və xoreoqrafiya sənəti
• bədən tərbiyyəsi və idman.

• Qabiliyyət imtahanları, Tələbə Qəbulu üzrə Dövlət Komisiyyası tərəfindən mərkəzləşdirilmiş şəkildə Bakı və Naxçıvan şəhərlərində keçirilir. Naxçıvan şəhərində keçirilən imtahanlarda yalnız Naxçıvan Dövlət Universitetinin xüsusi qabiliyyət tələb edən ixtisaslarını seçən abituriyentlər iştirak edə bilərlər.
  
  Abituriyentlərə, xüsusi qabiliyət imtahanı tələb edən ixtisaslarla yanaşı, müvafiq qrup daxilində digər ixtisasların da kodlarını seçmək imkanı verilir.